آخر تحديث: ٢٢ آب ٢٠٢٦
ONE BOOST برنامج عراقي لويندوز 10 و11 يجمع أدوات تحسين وإدارة أداء الجهاز والألعاب بمكان واحد: يفحص ويسمّي المشاكل، ويطبّق إعدادات مشروحة، ويرجّع كل شي غيّره. الصفحة هذي تجاوب الأسئلة اللي توصلنا أكثر شي — بإجابة مباشرة أول، والتفصيل بعدها.
برنامج ويندوز يجمع بمكان واحد: تخفيف النظام وإدارة الخدمات، ضبط المعالج وكرت الشاشة والذاكرة والشبكة، فاحص يشخّص أسباب انخفاض الفريمات، تنظيف ملفات، تثبيت برامج، وأدوات خاصة بالألعاب. الفكرة أنك ما تحتاج خمس أدوات ولا ملف .reg من الإنترنت.
إي. مبني ومطوّر بالعراق، وواجهته عربية بالكامل — مو ترجمة لبرنامج أجنبي. والدعم عبر إنستغرام بالعربي.
أغلب برامج «البوستر» تطبّق تويكات وخلاص — ما تفحص جهازك ولا تقول لك شنو مشكلتك. الفرق الأساسي عندنا هو التشخيص: فاحص يقرأ سجلات ويندوز وحالة النظام ويسمّي السبب (تعريف ينهار، رام بقناة واحدة، شاشة موصولة بمنفذ غلط). وفرق ثانٍ: كل تويكة مكتوب شنو تغيّر وشلون ترجع، والإرجاع يرجّع قيمتك أنت مو افتراضي ويندوز.
تعتمد على سبب مشكلتك، وما نوعدك برقم. لو جهازك مخنوق بخطة طاقة، أو في شي يسحب بالخلفية، أو عندك إعداد غلط مثل شاشة موصولة بمنفذ اللوحة — الفرق يكون محسوساً. ولو جهازك أصلاً يشتغل بأقصى طاقته والإعدادات أثقل منه — ما راح يتغير شي، وما راح نقول لك غير هذا. وما ننشر أرقام أداء ما قسناها بنفسنا.
إي، وهذي من أهم شغلات البرنامج. قبل ما يكتب أي قيمة، يقرأ ويحفظ اللي موجود عندك — والإرجاع يرجّع ذاك بالضبط. ولو المفتاح ما كان موجوداً أصلاً، الإرجاع يحذفه بدل ما يكتب رقماً مكانه، لأن «غير موجود» و«صفر» ما هم نفس الشي بويندوز.
نعتمد على أربع قواعد: ما نشحن أي تويكة تحتاج تحميل درايفر خارجي، وما نطفّي مضاد الفيروسات ولا نطلب تعطيله، وكل تعديل له إرجاع بلقطة، والتويكات مقسّمة بدرجات خطورة والخطر منها يحتاج تأكيداً منك. والبرنامج يطلب صلاحيات مدير لأنه يعدّل إعدادات نظام — وهذا مكتوب بشروط الاستخدام لا مخفي.
إي — ويندوز 10 و11 الاثنين. وبعض الإعدادات تخص ويندوز 11 تحديداً (مثل VBS)، والبرنامج يتعرّف على نسختك ويعرض اللي ينطبق عليها بس.
إي، الاثنين — عبر الواجهات الرسمية للشركتين، مو بتعديل ملفات التعريف. وبكروت AMD تحديداً يشتغل جزء الاتصال بعملية منفصلة معزولة، حتى لو صار خطأ بمكتبة الشركة ما ينهار البرنامج كله.
إي، وفي إعدادات تخص اللابتوب بالذات — مثل تنبيهك إذا تلعب على البطارية، لأن ويندوز والتعريف يخنقون الأداء عمداً وقتها. وفي حماية إضافية: بعض الإعدادات ما تنعرض على اللابتوبات أو على كروت معيّنة لأن لها سلوكاً مختلفاً هناك، وهذا الحاجز انبنى بعد حالة حقيقية.
التحسينات العامة تنفع مع أي لعبة لأنها إعدادات نظام. وفوقها في ثمان ألعاب عندها ضبط خاص جاهز داخل البرنامج — خيارات إقلاع وبريستات وملفات إعدادات — منها Counter-Strike 2 و Fortnite و PUBG و Black Ops 7 و Rust و Dota 2.
لا للتحسينات — هذي إعدادات نظام تبقى مطبّقة حتى لو سكّرت البرنامج وطفّيت الجهاز. إي للأشياء التلقائية: إذا مفعّل «وضع اللعب» اللي يضبط الجهاز أول ما تفتح لعبة ويرجّعه أول ما تخرج، هذا يحتاج البرنامج شغّال بالخلفية حتى يشوف اللعبة.
إي. كل اشتراك يبدأ بكود تجربة ٧ أيام بوصول كامل لكل الميزات. إذا ما ناسبك خلالها — لأي سبب — تلغي وفلوسك ترجع كاملة، بلا ما نسألك ليش. وإذا أكملت، تستلم كود مدتك الكاملة، وأيام التجربة ما تنخصم منها. التفاصيل بـسياسة الاسترجاع.
إي — كل الميزات والتحسينات الجديدة تجيك طوال اشتراكك بلا أي مبلغ إضافي، والبرنامج يحدّث نفسه.
